【正爆法醫福利】李施嬅奉旨摸勻黃致豪

無綫新劇《法證先鋒IV》一眾演員謝賢、米雪、黃浩然、李施嬅等在將軍澳電神城為劇集進行拜神儀式。李施嬅在劇中飾演法醫，近期每晚要通宵拍攝驗屍劇情，無論男女演員都要脫光衣服，穿着內褲扮屍體，她笑言：「好醒神同刺激，佢哋都好專業，有場戲我要驗下陰，嗰位女演員真係擘開對腳，犧牲好大！最正梗係驗黃致豪啦，不過唔使驗下身，但其他部位都摸過。」她又透露日前去看醫生時被驗出血壓偏低：「醫生都問我點解仲行到路，其實有時行路都會搖晃。」黃浩然則表示拍這部戲都很辛苦，經常不夠瞓，試過由早上6時拍攝到凌晨4時，幸好大家互相鼓勵。

劇集總監製梅小青大讚謝賢演得很好，謝賢表示很久沒拍戲，自覺有點生疏，米雪則讚他好戲之餘，擺Chok甫也很厲害，日前更上載了對方的相片到網上，向大家說要學他的Chok樣。