踢波受伤公审对手 克勤:一点都不友谊!

2019年01月21日 21:01
东网电视
更多新闻短片
嬲到震!

艺人李克勤出晒名锺意足球,近日佢跟埋晨㬢B队去马来西亚踢波,点知发生不愉快事件!话说踢完场波,克勤上载IG STORY晒出自己个伤势,见到膝头位置甩咗皮,佢指对方14号球员踢得“一点都不友谊”,之后佢仲影低嗰位人兄嘅样摆埋上网,仲要冇打格仔,写住:“就系呢条14号,我记得你。”连出几个Post,睇嚟真系好嬲!之后克勤喺ig晒番嗰日嘅相,有一张见到佢同14号起争执,有人话:“广东话粗口教学!”克勤都留言:“少不了。”

呢件事引起好大回响,有人觉得克勤身为公众人物,唔应该咁样“公审”人哋,亦有人撑克勤,话踢场友谊波,唔使去到咁尽!