高度戒備防流感!諸葛紫岐爆仔仔罩不離口

2019年01月22日 00:00
東網電視
更多新聞短片
Marie為囝囝做足防流感措施,相當穩陣。

流感疫情不容忽視,就連幼稚園及中小學都有流感爆發現象。名媛諸葛紫岐(Marie)的囝囝薛華韜(Arthur),現在同時就讀兩間幼稚園,但未有因流感疫情而停課,Marie惟有為囝囝做足抗疫措施。她接受東網訪問時表示一直關注疫情,為受感染的小朋友感到心痛,她透露Arthur非常「自保」,近兩個月來幾乎罩不離口!

Marie指小朋友在學校有很多親密接觸,戴口罩對大家都有保障,而Arthur選擇佩戴納米纖維智能口罩,不過Marie坦言:「話五分鐘內殺滅99%以上細菌,透氣度高,唔會好焗,同埋好乾爽,但都差唔多接近廿蚊一個!」其後她表示囝囝相當乖巧,每日都會向媽媽報告同學仔的情況:「邊個同學仔流鼻水,甚至見到有人打乞嚏,佢會主動同對方講要戴口罩。我教佢戴口罩好重要,未必只係驚你傳染畀人,都要預防被傳染,佢每日飲好多水,話要沖走細菌。如果我見囝囝好攰、狀態麻麻,就未必畀佢返學,因為抵抗力唔好都好易病。」Marie續說無論在家、家門外或車廂中,都會放置消毒液及口罩,實行高度戒備。