甜到乸喉！賴弘國晒妻成癮　萬千寵愛在嬌身

昨日（21號）係藝人鍾欣潼嘅38歲生日，今年除咗同一班好兄弟姊妹慶祝之外，仲多咗老公賴弘國同佢度過呢一日！晒妻狂魔尋日就Post咗同阿嬌慶祝生日嘅相，留言話：「妳是我最好的朋友、家人、老婆，小公主生日快樂?」相中有容祖兒、蔡卓妍、鄭希怡與關智斌等老友，就好似老公賴弘國所講咁係一個萬千寵愛在一身嘅小公主！阿嬌都有喺個Post留言：「愛你老公」。真係畀佢哋甜到個喉嚨乸乸哋！

賴弘國自從同阿嬌一齊之後，社交網上面幾乎每個Post都同阿嬌有關，有Fans都忍唔住留言話好鍾意見到佢係咁Post自己老婆，大讚佢係一個好Sweet嘅老公呀，大家都好矛盾地一邊畀佢哋閃親，一邊又追佢哋啲Post！