籲停食穿山甲通乳　Baby被插「幫倒忙」

女星Angelababy早前為國際環保組織拍攝一條短片，宣揚要保護瀕臨絕種動物穿山甲，片中見佢抱住一隻穿山甲，並描述穿山甲正面對嘅問題：「過去10年有近100萬隻穿山甲慘遭殺害，甲片和肉被非法利用，非法藥材不是通乳的選擇，讓每一隻穿山甲寶寶能在母愛下平安的長大。沒有買賣，就沒有殺害。」之後佢亦有喺微博轉發，並寫上：「我承諾不用穿山甲通乳。」

本來呢條短片嘅信息好正面，點知就惹來網民批評指佢「幫倒忙」，事關有網友指Angelababy嘅言論並冇澄清到「穿山甲不能通乳」，反而變相宣傳咗呢個錯誤嘅信息，令更多人誤解。不過亦有網友為Angelababy感不值，指佢都只係出於好心！