圆润现身渗孕味　杏儿：有消息会宣布！

艺人胡杏儿出席澳门新濠影滙举行的全球首个以超级电动车为主题的大型室内特技滙演《狂电派》开幕首演礼。讲到群星中以她超Deep V造型最性感，见她有少许腹部微隆又身形圆润，莫非有喜事宣布？杏儿笑笑口：“吓，系咩？我不嬲都几澎湃，少骚出嚟啫，贴合番今次主题想狂野啲。（咁性感得到老公批准？）佢唔知我着呢套衫，出门口时唔系呢套，不过，佢外国返嚟OK嘅。”

讲到“咪咪”澎湃，问到阿仔有没有手多多？杏儿笑言：“我断咗人奶好耐啦，佢食紧奶粉，佢应该冇乜太大感觉，但真系冇试过喺阿仔面前着得咁性感，都唔敢试。”是否计划生猪BB？她直言：“有呀，快㗎啦，快㗎啦，有好消息会同大家宣布！（努力中？）努力咗好耐，听好多人讲属猪嘅命好，我属羊，老公属牛，阿仔属鸡，成屋企都系动物好似农场咁，所以生猪都几啱，同埋都好想快啲有BB，始终年纪大。”