演殭屍片！錢小豪龐景峰父子檔拍戲

藝人錢小豪和兒子龐景峰以「父子檔」出席澳門新濠影滙舉行的全球首個以超級電動車為主題的大型室內特技滙演《狂電派》開幕首演禮。

小豪透露兩父子即將合作拍戲，是一部殭屍片演兩師徒角色，笑言：「個仔做殭屍，我做天師囉。」問到景峰當男一可有壓力？他謂：「壓力唔係源自呢到，而係自己中文差，文戲好難，有時唔明白個字語講乜，都會畀導演鬧，爹哋就冇鬧。」可有被導演鬧到喊？他謂：「咁又冇。」而身為父親的小豪都幫口說：「大家都好錫佢。」

景峰稱會跟父親好好學中文時，小豪即為兒子打氣：「佢年紀仲細，仲有好多進步空間，睇多啲我啲精湛演技去啦，咁佢嘅表現都係僅僅合格。」更笑謂：「你咪拖累錢氏家族呀。」

講到《狂電派》，小豪稱兒子景峰很少飛車經驗，反而另一個兒子就愛玩飛車，而錢家班都有搞開飛車，專程來吸收外國特技不同類型的特技飛車，若有機會都會放在香港的電影入面。