【未嗌Cut唔停得】吴谨言玉背爬满蝎子

20190124
东网电视
更多新闻短片
见到都惊惊。
自从上年套热爆全球剧集《延禧攻略》播完之后,唔少剧迷都啰啰挛,好彩转头就话吴谨言孖聂远同埋《延禧》班底拍套《皓镧传》喺今年播,正当大家满心欢喜等待时,就传出吴谨言喺剧入面睇住阿妈死净系识嗌唔识流眼泪被批戏屎嘅消息!近日网上流传出一组剧照,似系想帮吴谨言平反,内容系佢背脊爬满蝎子嘅剧照,全部都识郁好生猛,佢完全无视一堆蝎子喺背脊爬,继续演佢嘅戏,唔少网民睇完都赞佢够晒专业!
睇到呢度,好多人都会谂啲蝎子一早就剥咗牙拆咗尾唔会有危险,不过细心啲睇相,就会发现喺现场负责控制蝎子嘅工作人员竟然系戴住厚厚嘅手套,即系话呢啲蝎子系有攻击力会伤人!吴谨言揭开件衫露出膊头同背脊,任人将一堆蝎子倒落身上,当中系完全冇嘢保护直接同皮肤接触,真系睇见都打冷震!而剧情去到最后,两位侍女上前用衫袖帮吴谨言拍走蝎子,其中一位侍女不停拍吴谨言个头,相信系有蝎子捐咗入佢啲头发入面,虽然系咁但系吴谨言都冇理会继续演戏,呢个画面同《喜剧之王》尹天仇嘅理念“一日未嗌cut都要演落去”有异曲同工之妙。
----------------------------
东网巨星开咗ig喇,大家快啲follow啦!