【集氣】「洋洋」劉思希半工讀辛苦冇覺瞓

半工讀真係需要好大勇氣，好似前港姐朱千雪就修讀緊法律博士學位，其實好學之人仲有佢！同係港姐出身嘅劉思希（Lisa）除咗喺《愛．回家之開心速遞》飾演「洋洋」，最近仲忙緊拍新劇，其實佢仲要返學讀書，真係連瞓覺時間都冇！

佢喺社交網上載一張合埋眼瞓覺嘅相，留言話：「一邊讀書，一邊拍劇，仲有考試...功課...真的好累，但每次都同自己說，再堅持，再堅持 #可以給我一點支持同鼓勵嗎？」網友當然識做啦，紛紛留言叫佢撐住呀！