大癲大肺！33歲王雯匿枱底跳「炒餸舞」

歌手王雯（Nuna）早前拍攝新歌《Nuna Party》MV，笑言歌曲聚集了所有「Nuna Style」，她自爆經常「懵吓懵吓」，會做一些非常人會做的事，例如會匿在枱底跳「炒餸舞」（因舞姿似炒餸），現年33歲的她說：「想同人講就算你去到呢個年紀，雖然唔係咩後生女，係所謂嘅中女，都唔介意大癲大肺去實現自己嘅夢想。」是次MV她更「瞓身」演出，穿迷你裙晒腿瞓落地，她透露當日忘記着打底褲，擔心會走光，之後又更鯨吞兩大隻辣椒，嘴巴被辣到又紅又腫。

新歌內有廣東話、英文、還有少許韓文，除請來同門師妹Mascara隊長李海清（JoJo）助陣外，還有一位韓籍學生妹入鏡，Nuna說：「嗰位學生喺香港讀緊碩士學位，咁啱朋友介紹佢畀我識，佢又有興趣去拍，所以一拍即合。佢哋會演氣質斯文嘅女仔，我都想跟佢哋，但跟極都跟唔到，MV開頭都好正經，但最後會愈玩愈High，愈玩愈黐線！」