陳凱琳搞Baby Shower 賴慰玲幻想一齊湊仔

2019年01月26日 19:43
東網電視
更多新聞短片
好溫馨呀!

懷有5個月身孕嘅靚媽陳凱琳(Grace),今日搞咗個baby shower邀請多位好友出席,佢嘅好姊妹陳瀅、賴慰玲、何雁詩都有喺度!見到Grace着上白色Deep V裙,何雁詩仲嘟晒嘴仔合照,何雁詩留言話想像唔到Grace已經成為人妻同埋將為人母,又話自己依家仲係眾人心目中嘅小女孩!

賴慰玲就摸住Grace巨肚話:「我話你有咗,要send隻雞蛋俾(畀)我,點知你好快就send咗雞仔,我第一時間去搵你,見你望住一個平坦嘅肚,我不敢想像你要當媽。到今日你摸着個大大嘅肚,話佢好曳不斷踢腳仔,話對佢有一種好特別嘅愛意我還是想像不到你要當媽。」賴慰玲仲幻想兩姊妹一齊做媽媽嘅場境:「我開始想像兩個小朋友,在公園走來走去玩到好大汗。衝過嚟嗌:媽!我想飲水(你果(嗰)個可能嗌:Mom I want water)然後我哋拎個水樽出嚟,再幫佢地(哋)抹汗」好溫馨呀!