港版羅拉溝仔攻略　擒大陸傳媒尖子

去年，一條「港版羅拉」視頻被瘋傳，令身高1米65嘅朱芊佩（小朱）成功走紅，片中素顏的她穿上背心做搬運工，拉着叉車，將比她還大件的貨物搬上搬落。不要以為女性喺呢行有着數，貨嚟得太遲會畀客催，貨車停喺街上太長時間會抄牌。30公斤白米一嘢上肩，15公斤一罐食油一手一罐，電梯壞咗行樓梯，做到汗流夾背，在猛烈陽光與暴雨下穿梭，真係反晒光！

「女漢子」曾經拍過兩次拖，但都係唔開心收場，始終自己是女兒身，希望有人錫，希望覓得真愛，她說，擇偶條件要尊重她的職業，切忌好高騖遠。

至於在內地節目《新相親大會》中，與「香港最索咕喱」配對成功的榮迪申來頭亦唔簡單，畢業中國傳媒大學的帥哥，係中國國際廣播電台華語頻道主持人，咪睇小呢份工，呢啲職位喺大陸絕對係優質盤，投考者萬中挑一，而且要接受家庭背景審查，咁即係好乾淨囉！