蘇有朋下廚賀牛一　林心如：好酒好菜好朋友

台灣女星林心如今個月27號43歲生日，佢喺社交網上載同「閨蜜」、台灣男星蘇有朋合照，原來蘇有朋親自下廚炮製生日大餐，搞到林心如猛話好感動：「真是太令人感動了，沒想到我有生之年竟然可以吃到我大頭哥哥蘇有朋親手為我做的生日大餐，從布置到擺盤到上菜的順序盡顯用心，大家吃的開心，聊的暢快，最重要的是最後那碗完美ending乾拌麵。美好的夜晚，好酒好菜好朋友。」

林心如同蘇有朋1997年合拍攝經典劇集《還珠格格》後成為好友，雖然曾經傳過緋聞，但完全無阻佢哋嘅友誼，仲係圈中出晒名係閨蜜，曾幾何時更許下承諾，就係大家四十歲時仲係單身嘅話，就會結婚相依相伴。