劉青雲拍戲勁Cool 湯怡驚到講唔到對白

2019年01月30日 21:48
東網電視
更多新聞短片
湯怡自爆同劉青雲對戲時驚到講唔到嘢!

藝人湯怡出席英皇電影《廉政風雲 煙幕》首映禮,她表示在戲內與劉青雲是同一條Team,並笑言:「貪心啲梗係想同青雲、張家輝、林嘉欣多對手戲合作,初頭同青雲拍戲時都幾驚佢,因為佢好Cool!同佢對戲時驚到講唔到嘢,對戲都對唔到,但青雲同我講『放慢啲,唔使咁緊張,我又唔會食人嘅!』青雲嘅氣場真係好犀利。(你點樣克服?)都會同啲前輩多啲溝通,傾多啲偈。我鍾意跑步,青雲好似都鍾意跑步,睇吓遲啲有冇機會一齊跑步傾偈。」

湯怡又謂前輩喜歡分享拍戲經驗,而她都有向三位前輩偷師,拍戲時經常黐住個Mon睇他們演出吸收經驗。問到她多不多NG?她笑言:「唔敢NG,不過自己都入行10年,唔可以驚咁多。(青雲有冇同你分享經驗?)佢叫我慢慢捱,依家呢個年紀先係啱啱開始,佢喺我呢個年紀時開始多嘢做。」