【緝兇】新城獎棄置橋底　邊位歌手斷捨離？

斷捨離，即係「斷絕不需要的東西；捨去多餘的事物；脫離對物品的執着」。有個歌手將獎座掉咗，莫非佢真係覺得個獎係「不需要」、「多餘的」，抑或係唔想再咁「執着」？

DJ Colin喺IG上載一張相，佢喺北角渣華道橋底發現一個2013年新城勁爆頒獎禮嘅獎項，同一堆鞋當垃圾咁擺埋一齊，個獎上面寫住「新城勁爆躍進歌手」，睇番當年得到呢個獎嘅歌手，分別有羅力威、連詩雅、龍小菌、蔚雨芯同埋吳彤，究竟呢個獎係屬於邊個？

有網友就突破盲點，叫班得獎者拎住個獎自拍，邊個冇自拍，邊個就係個獎嘅主人！咁又啱喎，睇嚟佢哋快啲要晒自拍，以證清白至得喇！