2分鐘使千萬!揭張家輝劉青雲CG回春秘密

2019年02月08日 15:35
東網電視
更多新聞短片
勁揼本。

由張家輝、劉青雲及林嘉欣三大影帝、后掛帥的英皇賀歲片《廉政風雲 煙幕》票房走勢凌厲,今日晚上累計總票房達1,453萬!片中劇情緊湊,有不少驚喜場面,尤其一幕青雲與家輝後生時期的情景,觀眾紛紛好奇是如何拍攝出來。

東網特地找來導演麥兆輝揭開這個謎,他直言該場戲份全由自己構思:「呢場戲真係好難忘,重演佢兩個大學時期,即係後生版,以前香港拍呢啲場口,最簡單係搵兩個似樣嘅人去演,但我唔想要呢樣,諗住搵間荷里活公司,將佢哋個樣變臉成年青版,但計過條數,荷里活公司製作兩分鐘都要1500萬。」

如此昂貴當堂嚇窒麥兆輝,後來尋遍香港有關製作公司,最終找來了一間新興的實體公司合作,他謂:「雖然效果冇咁理想,但都做到想像中想要嘅嘢,成功將《新紮師兄》時嘅青雲同亞視年代嘅家輝呈現喺觀眾眼前。」麥兆輝看到最後製成品,即時嘩出聲嗌犀利!據知,這幕CG耗資千萬元,但正如導演所言,能為觀眾帶來驚喜,一切都物有所值。

而這一兩分鐘的片段,劇組花了3個月時間,才能找出最理想的青雲與家輝20歲定位,再交由不同組別的專業人士,去處理模型、肌肉,以及調較現場的燈光變化,過程又花了3、4個月,合計超過半年之久!