翠如派利是！洪永城：諗過儲錢畀你買姑婆屋
20190209
東網電視
更多新聞短片
有笑又有淚呀～
藝人黃翠如同洪永城（Tony）呢對拍檔不時互窒，但其實感情非常好！尋日Tony就去咗翠如同佢老公蕭正楠屋企拜年，蕭太親自下廚煎蘿蔔糕，Tony見到老友婚後變得如此賢良淑德，忍唔住喺社交網有感而發：「識你咁耐，今次唔講衰嘢喇。等咗你咁多年終於收到你嘅利是，果（嗰）陣仲以為一世都冇咁嘅機會，我仲曾經諗過儲錢俾（畀）你買姑婆屋，不過而（依）家又識煎蘿蔔糕，咁難煎嘅嘢都俾（畀）你煎到，真係好難得、又識洗碗，又有一件燒腩肉照顧你，咁我就放心啦。恭喜你找到人生旅程入面找到一個好好嘅旅伴。」言語間睇得出佢好戥翠如開心，真係「好兄弟」！
翠如之後亦回敬對方：「喺你仲未娶到老婆之前，煎蘿蔔糕畀你食，我們家都歡迎你，不過娶到老婆之後，就唔好來打攪我哋啦！」好多網民都紛紛留言乘機向洪永城同女友梁諾妍催婚呀！
----------------------------
東網巨星開咗ig喇，大家快啲follow啦！