過年見尹子維家長　徐冬冬過「人妻生活」

內地藝人徐冬冬自從宣布同男星尹子維拍拖之後，一直都甜甜蜜蜜，之前二人仲被拍得身處美國，疑似見家長過新年。仲放緊假嘅冬冬，今日又再度更新微博，打卡話自己身在美國，仲話要去超市買嘢，似乎要過「人妻的生活」，她留言：「早醒了……這邊快16點了…就是不想起床…現在剛剛起來……冬瓜又要去超市咯……」而冬冬自拍嘅背景，似乎係尹子維位於美國嘅大宅，唔少網友話睇嚟話佢已經登堂入室，可能好快有好消息傳出。

另外，冬冬早前亦為賀年拍攝一輯美照，見佢穿上鮮紅色連身裙，大騷佢修長美腿，雖然只係地氈上隨意擺動甫士，但相當有女人味，為農曆新年帶來另一番味道。