首與青雲合作!吳岱融呻戲份少唔夠過癮

2019年02月10日 12:00
東網電視
更多新聞短片
吳岱融、劉青雲同台鬥戲!

大家睇得多吳岱融做「鷲哥」,每次看他的演出,總覺得他奸奸哋,會大罵人「臭雞」。今次他走進大銀幕,在英皇電影《廉政風雲 煙幕》中飾演機心極重的辯論律師,雖然這裏無謂劇透太多,但他的下場也是令觀眾意想不到。

吳岱融與劉青雲早於無綫認識,今次與對方雖然只合演監聽室和法庭戲這兩場戲,足令他興奮不已:「麥兆輝、莊文強呢個係好有誠意嘅製作班底,仲可以見番劉青雲、駱應鈞、方中信呢啲好朋友,真係好開心!對我嚟講都係一個好開始,因為我少拍電影,而當年我同青雲喺無綫時已認識,但冇合作過,今次同呢位實力派演員合作,見識到佢喺多種戲上面處理嘅方法!」

大讚麥導有心機

至於與麥兆輝合作,他大讚對方每一環都好細緻,尤其在音效上,足見其匠心:「我哋現場收音,但麥導係會重新做過配音,音效都好有心機做,我相信其他演員佢都係全部重新配音,對部戲出嚟效果都好好多。加上麥導又肯創新,同佢傾劇本,佢都好肯接受意見,大家一齊摸索,感覺到佢團火,學識好多嘢!」問到可會再拍?他劇透笑言:「其實戲中我墮樓死咗,之後仲有冇機會演出續集就唔知,但都好期待,因為今次我戲份唔多,所以唔夠過癮!」