越南度假晒巨肚！陳凱琳情話冧鄭嘉穎

藝人陳凱琳（Grace）雖然已經腹大便便，但仍好活躍，除咗經常出席公開活動賺奶粉錢之外，近日又去咗越南度假。呢日，佢上載喺當地度假屋食早餐嘅相，見淡妝上陣嘅佢精神唔錯，仲以英文留言話：「茄汁～唔該！朝早冇嘢好得過有鮮榨嘅果汁同炒蛋令我想起身！你最喜歡嘅假期早餐又係咩呢？呵呵！」

之後，Grace再上載一張側身照，呢張相就睇得出佢個肚已經好大，目測最少已懷孕七個月！佢甜絲絲留言話：「When he tells you he loves your pregnancy glow（當佢話你知佢喜歡你懷孕嘅時候）」呢個「佢」，好明顯係講緊老公鄭嘉穎啦，真係閃到爆呀！