注重養生！鄭伊健為地球忍痛戒買科技嘢

歌手鄭伊健《Along with Ekin Live Concert》紅館騷快將開鑼，早前他抽空拍攝廣告，注重養生、愛惜大自然的他表示若重返校院，希望修讀一些科目，以多角度了解世界，透過學習更了解大自然和地球，他說：「依家太多人只相信科技，但我就更相信大自然嘅力量，大家唔好忽視，地球好多災難都係同大自然有關，所以我想學習多啲點樣同地球溝通。」

問他平時如何和地球溝通呢？他說：「打坐、靜默、買少啲科技嘢。（你喎？）我依家通常睇、好少買，希望產生少啲廢物，盡量啦！」如果要拉埋身邊朋友一齊重返校院，圈中朋友必選導演劉偉強，以及與他合作無間的音樂總監陳光榮，他笑言：「如果要揀兩個朋友同我一齊返學，不如陪我一齊逃學。第一個肯定係劉偉強，佢一睇就知唔係讀書人啦！不過佢好本事，成為一位好出色同好出名嘅導演，佢唔係淨係靠讀書，好多嘢都喺社會學番嚟。至於陳光榮不但係我工作夥伴，我哋一齊成長，一齊增值自己，佢都喺人生經驗上學習。」