避談朱慧敏　彭懷安自稱單身：繼續做衰人

藝人彭懷安與朱慧敏情路波折，多年來離離合合，彭懷安被爆不時玩失蹤，之後又情深指自己為他們的愛情努力過，引來朱慧敏不滿，令女方心死怒斥：「謊話連篇！」

彭懷安今午在將軍澳電視城為處境劇《愛．回家之開心速遞》開工。對於被朱慧敏指「謊話連篇」、玩失蹤及向外公布「喜訊」等指控一概避談不作回應，也不願解釋，還自嘲一向做開衰人。問到與朱慧敏的關係？他說：「唔回應。（朱慧敏話你謊話連篇？）唔回應喇，其實所有嘢都唔想講咁多。（有冇同朱慧敏見面、聯絡？）都唔回應喇，所有關於呢方面嘅感情事都唔回應。」

彭懷安早前憑劇集《大帥哥》中的反派「麥先根」成功出位，問到可擔心事件影響形象？他笑說：「我一路都做開衰人，所以都冇乜影響。（唔解釋一吓？）唔解釋啦。（依家感情狀況？）都係一個人，感情事冇諗，都係做嘢先，依家拍緊《開心速遞》同《極道怪咖》，兩套都係做衰人，哈哈。（怕唔怕被定型？）唔怕，如果觀眾都覺得我做得幾似衰人嘅話，都係一件好事，可能係另一條血路，衰人亦有好多種，遲啲會上吓堂學習演技。」