同祖兒極速錄音！勝利夜店風波後蒲頭笑晒口

天后容祖兒（Joey）一向喺音樂方面喜愛作出新嘗試，呢日佢喺社交網晒出幾張同韓國天國Big Bang成員勝利嘅合照，宣布同對方合作！飛抵韓國嘅Joey，晒相透露自己身處YG事務所嘅錄音室，相中有個頭戴冷帽嘅男人，齋睇背影都星味十足，疑係Joey嘅拍檔勝利。Joey笑言開咗暖氣嘅韓國錄音室仲熱過撒哈拉沙漠，佢仲透露：「四個小時極速錄音，超級順利和刺激，密切期待我和勝利的合作。」仲Hashtag「穿着媽媽毛衣的女兒」、「crossoverwithasmartboy」、「Quickandaccurate」、「jyconcertthemesong2019」，大讚對方工作有效率，搞到唔少樂迷都超級期待佢哋嘅新作！完成錄音後，眾人就去咗歎韓燒，期間大家開心影合照，相中Joey雖然同28歲嘅勝利年紀相差人生嘅一個10年，不過兩人拍埋一齊，一啲都睇唔出年齡差距！

另外，今次亦係勝利喺夜店風波後首次現身，見佢神情輕鬆，仲笑得相當開心，心情似乎冇受事件影響！