阿Sa衝金像影后 周潤發郭富城同戲爭影帝

20190212
東網電視
更多新聞短片
阿Sa第三度提名影后,發哥(左)同城城內訌爭影帝!
《第38屆香港電影金像獎》今日公布入圍名單,有份角逐影后寶座的有《非分熟女》蔡卓妍(阿Sa)、《無雙》張靜初、《非同凡響》余香凝、《淪落人》Crisel Consunji及率先獲得《第25屆香港電影評論學會大獎》影后殊榮的《三夫》大陸演員曾美慧孜。
第三度入圍的阿Sa表示:「可以成為Best 5之一,已經好叻喇!哈哈哈!攞獎就真係隨緣啦,我覺得觀眾鍾意套戲係最緊要嘅。多謝有份投呢個角色一票嘅評委,多謝大家!多謝大家!好開心可以入圍,我覺得入咗圍已經係一個好大鼓舞,即係5個提名咋喎,而自己可以係其中一個,已經係一個好大嘅肯定!」
而影帝方面,有《無雙》周潤發和郭富城、《逆流大叔》吳鎮宇、《淪落人》黃秋生及《翠絲》姜皓文。鎮宇接受東網訪問,對於與老友秋生一同角逐影帝感開心:「恭喜發財呀!我梗係支持金像獎同本土電影,到時會出席呢個盛會。(同片胡定欣都入圍新演員!)我梗係睇好同支持佢啦!」而首次入圍金像影帝的姜皓文(黑仔)則謂:「好緊張,因為內地拍緊戲,心情係加倍肉緊,覺得好幸福同僥倖,我有呢個提名夠㗎啦!」隨即有網民留言指黑仔陪跑:「姜皓文在翠絲裏沒壓的住惠英紅,估計陪跑的可能性大。」而黑仔亦有大方回應對方:「有幸參與已經很滿足了!陪跑也是榮幸的。」不過之後黑仔又再刪除留言。
秋生今次是第五次提名金像獎,而已兩度奪得金像影帝的他受訪時謂:「吓!咩!得呀?入咗圍呀?入圍啫!又唔係攞獎,恭喜得咁早!你買六合彩都唔會夜晚食餐一萬蚊嘅飯慶祝啦係咪呀!中咗先講啦!」說到與老友一起角逐,他謂:「入圍啫!又唔係攞獎,中獎再講啦!」