搞搞新意思 林家棟演變性人:好大挑戰

2019年02月12日 20:19
東網電視
更多新聞短片
林家棟今年的演戲事業將面臨大挑戰。

藝人林家棟到尖沙咀出席香港專業電影攝影師學會周年晚宴,講到今年電影大計,他將被「發放塞外」到雲南過一段時間:「因為4月開始拍一套戲,我飾演一個內地人,穿州過省,所以要先去雲南生活一個月,體驗佢哋嘅生活。(使唔使練習啲方言?)我普通話好爛,的確要學好啲,仲要模仿佢哋嘅生活、形態,而其他演員都係內地人。(要拍幾耐?)大約4月至6月。」

他又透露電影《翠絲》之後多了不少有關跨性別人士的電影題材,明天會恰談一個新劇本:「佢哋搵我演一個馬來西亞跨性別人士,變咗性嘅,好激呀!我就話驚去雲南曬到黑蚊蚊仲啱唔啱?不過首先睇下時間夾唔夾到,夾到的話都想試下,好大挑戰!(使唔使裸露?)咁又唔使。」

另外,他透露自己籌備四年、負責監製的劇本即將開拍,會力邀一位很有份量的前輩參演:「好大壓力!要跪佢返嚟演,未講得邊個住,題材係講關懷老人家。」