婚姻有第三者 任達華話琦琦冇呷醋

2019年02月12日 20:55
東網電視
更多新聞短片
布丁一見到任達華就主動上前獻吻。

演員任達華晚上在尖沙咀出席港產導盲犬電影《小Q》煞科宴。任達華與片中導盲犬布丁再碰面即十分黐纏,攬頭攬頸,任達華笑說:「因為之前帶咗佢返屋企兩個禮拜培養感情,所以好friend,搞到屋企幾隻狗狗都呷醋,2020年嘅「最佳女主角」一定係布丁,因為有我同佢嘅感情戲。」

不過,任達華坦言與動物拍攝也很痛苦,因小Q總共由八隻狗狗飾演,有六隻NG了40、50次,布丁最抵讚只NG了3、4次,任達華笑說:「可能帶咗佢返屋企兩個星期,我哋有咗夫妻感情。(老婆琦琦有冇呷醋?)冇,琦琦仲睇住『第三者』介入, 因為我同布丁有啲特殊訓練,所以成日一齊。」任達華指拍攝前特別上了「黑暗堂」在黑房體驗視障人士生活。

此外,講到《第38屆香港電影金像獎》公佈候選名單,任達華恭喜電影《無雙》、《逆流大叔》與黃秋生,認為是實至名歸。不過,講到影帝只得一個?他笑說:「可以有雙王,月餅都有雙黃、四黃啦,是係未有五黃啫。套套戲都好睇,《逆》片喺低成本下拍好好、好自然,導演處理得很好。」