收藏靚「珠」!徐綺雯整紙黏土訓練耐性

2019年02月12日 22:00
東網電視
更多新聞短片
徐綺雯希望豬籠入水!

名媛徐綺雯(Candy)曾在英國讀書,但她自言是一名傳統女人,十分注重農曆新年的習俗。Candy指每年的新年必定會換新衫,實行「除舊迎新」:「會買啲紅色新嘅內衣褲同新衫,亦都會幫囝囝換埋,紅噹噹夠晒意頭。同埋我都會為囝囝預備唐裝應吓節,而自己亦會着旗袍或者上身着唐裝配以牛仔褲打扮一齊去拜年。」又透露豬年願望可賺到豬籠入水,皆因將會搞珠寶生意,更自爆喜好中式的款式,收藏不少珍珠飾物,其中最貴的更高達6位數字,果然愛「珠」!

向來興趣多多的Candy,近年學習玩紙黏土訓練耐性,只學了兩年的她,已做得似模似樣:「細個好鍾意玩泥膠,會整啲食物好似玩煮飯仔,依家就玩紙黏土。之前我試過整全盒同盆菜畀媽咪,雖然要整好耐,但見佢收到都好開心。其實要整一啲都唔難,只要你有心機同時間絕對做到。(有冇同囝囝Carlton一齊整?)依家佢仲細玩住泥膠先,等佢大個啲再畀佢學,不過佢係有耐性嘅人,相信冇問題。」

雖然兒子Carlton只有兩歲多,但Candy直言已計劃將來會送兒子到瑞士讀書:「依家佢讀緊國際學校,等佢再大啲會畀佢上法文班,為去瑞士讀書做好準備。」她還自言自己不是怪獸媽媽,會讓兒子選擇和溝通 :「雖然佢細個,但係已經識得聽你講嘢,所以我成日都會同佢傾偈,同埋畀佢自己揀鍾意嘅嘢。」

場地:天空龍吟日本料理