【賈靜雯出咗國】修杰楷左擁右抱勁爽

台灣男星修杰楷同賈靜雯婚後誕下囡囡「咘咘」同「波妞」，由於兩姊妹都生得好可愛，所以大受網民歡迎，而修杰楷夫婦都好識做，經常喺社交網上載兩個女嘅近照。

呢日，修杰楷就上載帶咗咘咘同波妞去遊樂場玩嘅相，相中兩姊妹以黃色姊妹裝上陣，修杰楷用左手抱住波妞，右手抱住咘咘，真係好man！兩姊妹仲食雪糕消暑，真係玩得好開心！修杰楷留言話兩個女呢日已經放晒電：「沒有拍戲的日常…就是趁著（着）好天氣去把她們的體力耗盡。小孩進到樂園的表情總是有著（着）最簡單的快樂！」佢仲透露因為老婆賈靜雯出咗國，所以佢就負責湊女，難怪佢加多句：「沒拍戲好像也沒有比較輕鬆。」