【晒七個月巨肚】岑麗香親暱翹男人手臂

2019年02月13日 10:35
東網電視
更多新聞短片
呢條裙着得好有效果!

索爆準媽媽岑麗香(香香)佗B接近七個月,尋晚佢挺住巨肚出席品牌春茗,相當搶Fo!著名公關鄭紹康(Francis)同時裝設計師何國鉦(Dorian)都有同香香影相留念,之後兩人都有分別喺社交網晒出合照。相中見香香着上低胸孕婦裙現身,打扮簡潔得嚟又不失貴氣!佢大晒甜美笑容之餘,仲熟落地翹住鄭紹康嘅手臂,心情靚爆!

雖然香香腹大便便,但依然着高踭鞋出席,並成為晚宴最受歡迎人物,有近百人過枱要求同佢合照,受歡迎程度勁過財神爺!而香香來者不拒,坐喺度任影唔嬲。由於香香一直未公開腹中BB性別,保持神秘感,時裝設計師何國鉦就喺社交網開鋪,叫人估香香個肚係仔定女,結果估女嘅人較多。