茶記潛規則？陳庭欣嗌碟薑蓉要15蚊

好多時想喺餐廳好好哋食個飯，都可能遇上令人嬲豬嘅事！今日藝人陳庭欣喺社交網，話喺尖沙咀某茶餐廳海南雞飯，因為碟薑蓉比較細碟，所以問侍應拎多碟，但點知對方竟然話要收15蚊，令佢摸不着頭腦，因為餐牌冇寫明要額外再收錢，佢留言：「而我又麻煩嘅，食唔到辣，所以問阿姐拎多碟薑蓉，佢話唔批准，要多碟要收$15蚊，點解餐牌冇咁寫嘅，可能搵食真係艱難啦，難道是潛規矩，頭先唔小心要多咗個碗仔，唔知又使唔使另收費。」唔少網友都留言替佢不值，話叫佢開名，等大家唔好「中招」！