【閨蜜睡房】彭秀慧All-in做舞台劇自嘲傻婆

演舞台劇出身、曾奪得金像奬「新進導演獎」的彭秀慧（Kearen），應邀為東網巨星節目「海馬牌床褥特約」《閨蜜睡房》擔任嘉賓，與主持李惠儀（Kiwi）分享做舞台劇的樂趣。

壓力爆發

被稱「彭導」的她坦言得獎後要更努力，不想辜負大家的期望。4月將再演出舞台劇的她說：「舞台劇同電影唔同，電影係一步一步咁嚟，先睇觀眾反應，但舞台劇係準備、排練、宣傳、賣飛同一時間發生，壓力都係同一時間爆囉！」

膽博膽太誇張

2005年開始，Kearen演出自己製作的舞台劇，她說：「喺大多數人眼中我係傻嘅，因為喺呢行好少人會一個人寫、導、演同監製，仲要膽博膽。好多人搞騷係申請政府資助，但我好似婆仔咁，儲咗舊錢就自己搞，有時我都會諗自己係咪傻嘅，係咪太過理想化！」又自爆有段時間對工作狂熱的程度十分誇張，她說：「我張床隔籬就係電腦書枱，瞓醒一落床就去電腦位度做嘢。」想知道這個工作狂對愛情有咩睇法，以及她的睡房秘密，記得本星期五、六、日收睇《閨蜜睡房》！