賽車包尾都有獎!甄詠珊愈大愈怕揸快車

20190214
東網電視
更多新聞短片
甄詠珊同鄭世豪齊齊包尾!
藝人甄詠珊(Carisa)日前到珠海參加小型賽車慈善賽,她跟鄭世豪分別是男女子組「包尾」,一齊獲頒「最具體育精神獎」,意思指兩人排除萬難之後,都未有放棄,完成賽事。Carisa笑說:「細個18歲就會揸快車,但人愈大愈驚快,可能責任感多咗,平時都唔會揸快車,仲會Under限速咁揸,所以唔會有咩機會畀人影快相。」
當日Carisa好興奮,因為沒想過自己參加這類型比賽,接到邀請時她都好驚能否勝任,考慮了幾天最終決定參加。除了因為做善事,新一年她希望衝破自己,無論在精神或心理壓力上都想嘗試,她說:「嗰日好好玩,初初坐落架車度好驚,因為咁矮嘅,嗰日算係有三場比賽,第一場係試嘅,始終第一次玩,我好多嘢唔識,計圈速我好似行得30km,因為志在參與、安全第一嘛!期間大會安排真嘅賽車手同我哋上咗一堂課,教我哋點樣行最快同安全,所以第二、三場明顯有進步。」
當日還有小意外,因為張寶兒跟關伊彤有碰撞,雖然不嚴重,但因為在Carisa前面好近距離發生,她都嚇到呆,她笑說:「嗰一刻不知所措,突然間呆一呆,開頭個幾圈我有加速,但見到意外後我就慢慢揸返去算。」
----------------------------
東網巨星開咗ig喇,大家快啲follow啦!