趁情人節公開認愛？胡歌公司火速回應

內地男星胡歌單身咗一段時間，早前突然爆出同公司嘅小師妹章樂韻閃婚，雖然佢嘅公司已經火速澄清，不過好多網民都唔多信！近日突然網上流傳有位男神會喺情人節公布戀情，個傳聞仲講到明呢位男神係靠古裝劇爆紅，同埋「正處於轉型階段、很重視家庭、尊重粉絲」，唔少網民都覺得以上條件同胡歌好相似，就認定係佢今日有好消息宣布！胡歌嘅公司為免好似上一次咁傳得咁激烈，今次好快就作出回應否認事件，駁斥胡歌將公開戀情一事。