餓住踩五場謝票 林嘉欣畀粉絲撩排排坐

2019年02月14日 11:00
東網電視
更多新聞短片
影帝影后好親民!

英皇電影《廉政風雲 煙幕》成績收斐然,累計票房突破2,500萬,戲勢如虹!主角劉青雲及林嘉欣昨晚上連走多間戲院謝票,而嘉欣一個晚上跑足五場,力撐數小時,飯都冇食,但她依然精神抖擻,愈戰愈勇,觀眾熱情不減!她坦言不覺得攰,還催工作人員快些叫老闆楊受成開續集!她開心謂:「因為同青雲只得三日戲份。(主動要求加多啲同青雲嘅戲份?)咁又唔會特別要求,只不過我覺得同佢條線仲有好多嘢可以寫!」她坦言很喜歡謝票的感覺:「見吓啲觀眾,親自答謝佢哋,因為冇佢哋買飛支持就唔會有咁好嘅票房。」

謝票期間,都有不少搞笑位,青雲被司儀問他覺得這部片男主角演出如何時,他笑謂:「嗰個劉青雲都做得OK嘅!」之後現場有兩個男粉絲高叫留位給嘉欣坐隔籬,要親近女神,嘉欣大方接受與觀眾近距離接觸,惹來在旁的青雲即對兩位粉絲說:「呀!你都幾大膽喎!」之後自己又搞氣氛謂:「我坐樓梯邊就得喇!」