新歡蒲頭！尊尼特普與神秘女子熱吻

現年55歲的荷里活男神尊尼特普（Johnny Depp）最近在歐洲拍攝新戲《Minamata》，幾星期前佢被影到與一眾工作人員於尼斯搭私人飛機去塞爾維亞首都貝爾格萊德開工，而同行仲有一名神秘年輕索女。到了當地尊尼更被影到與該名神秘女子咀嘴。疑似新戀情曝光！暫時未知尊尼的新歡身份。

另方面，尊尼的19歲模特兒女兒Lily-Rose Depp最近上《Vogue》雜誌澳洲版封面，今次係佢入行以來第8次上《Vogue》封面，之前她已於英國、日本、韓國及中國版《Vogue》封面亮相。而前日，Lily就上載真空飛釘睡衣自拍照，大騷纖腰。照片曝光唔夠一日，就已獲27萬個like同逾千留言。好多fans留言大讚Lily索爆，有fans指她盡得母親Vanessa Paradis真傳，亦有fans留言：「唔公平呀！你好靚呀！」