情人節探賭王點慶祝?三太:老夫老妻啦!

20190214
東網電視
更多新聞短片
三太陳婉珍到醫院探望賭王何鴻燊。
97歲賭王何鴻燊本月8日傳出健康出現問題,需轉入ICU留醫,連日來家人都有陸續到醫院探望。今日下午2時10分,三太陳婉珍單獨離開醫院,問到可有跟何生講情人節快樂?她說:「有!」問到如何慶祝?有冇錫何生一啖?何生有沒有說甜言蜜語?她笑笑口謂:「老夫老妻啦!」
另外,賭王三房千金何超蓮今日趁住情人節,於街頭做慈善派朱古力。問到會不會送朱古力給爸爸?她說:「之後會拎畀佢。(佢依家身體點?)其實Ok。(爸爸幾時出院?)其實佢冬天嘅時候都要入去醫院檢查,出邊又多菌天氣又凍,所以都會留喺醫院一段長時間,醫院乾淨啲。(爸爸有冇叫出院話悶?)都冇,我哋都有同佢傾偈,佢冇叫出院。(會唔會影響細佬猷啟婚期?)要問番細佬,我唔知佢想點。」提到有傳何東舜銘代亡母、十姑娘何婉琪向澳娛追討20億股息,超蓮表示不知情:「爸爸都唔知呢件事,佢完全唔知呢方面嘅消息,佢唔會理,佢都已經退晒㗎喇!」
----------------------------
東網巨星開咗ig喇,大家快啲follow啦!