林嘉欣慳住過情人節 吳岱融上山修煉

2019年02月14日 16:12
東網電視
更多新聞短片
賀歲片票房收得,《廉政風雲 煙幕》一班演員可以開心慶祝節日!

今日是甜甜蜜蜜的情人節,英皇電影《廉政風雲 煙幕》一班演員見票房勁爆,個個都冧滋滋!其中有老公和仔女的甜姐兒林嘉欣幸福滿瀉,情人節對她而言日日如是,她回覆東網稱:「唔會特別慶祝,日日都係情人節!我都有叫老公唔好送花,因為情人節啲花好貴,又唔捨得擺低啲女,都係喺屋企食飯。」另外,結婚多年都勁Sweet的劉青雲和老婆郭藹明,大節當前亦未有改變,今天有工作在身的青雲稱:「會抽時間食餐飯,簡簡單單就好。」十分溫馨!

至於在戲中演律師的吳岱融,他昨天就與老婆鍾淑慧上了沉香山修煉,算是慶祝情人節及兩人結婚23周年。吳岱融稱:「其實今日係我哋結婚23周年嘅日子,今年喺馬來西亞同老婆工作中度過,收工後應該都會過二人世界,去食個飯,最難忘當然係23年前結婚嘅大日子啦!(兒子有冇送禮物?)小朋友已經22歲,喺新加坡讀書,禮物就應該冇喇,應該會打電話祝福吓!」

而與張智霖結婚多年的袁詠儀(靚靚),在今個情人節則以「普通」方式去慶祝,她回覆東網稱:「今日會同幾pair齊齊打邊爐,大家都老夫老妻,都係打吓邊爐、食吓飯,每年都冇乜特別慶祝,我老公話每一日都係情人節,所以最特別嘅情人節就係好普通咁過!」靚靚其後上載與張智霖合照,見素顏的她捧着一大束玫瑰花和老公頭貼頭,相當甜蜜,她還留言祝大家情人節快樂。

而在戲中演廉政專員的何遠東,今天就會與最愛的女人共度,他稱:「今年嘅情人節,我會貫徹電影中嘅角色『文仔』,一個宅男咁,同暫時係我最心愛嘅女人-媽媽,慶祝吓情人節。(你過去最難忘嘅情人節係點?)有情人嘅情人節,當然係開心㗎啦!好少會唔開心嘅。同所有人一樣,離不開買紮花、食吓飯,再…最難忘我諗係啱啱出嚟做嘢,冇咩錢,去茶餐廳鋸扒,再食一個簡簡單單嘅心太軟,心意補救一切,冇咩錢慶祝都可以好快樂。」

另外,在戲中演司機的陳炳銓,現實中已私有「視后」李佳芯,不過他今天有工作在身,所以只能與佳芯食餐飯而已。問到可有難忘情人節?他說:「難忘往往係不經意,唔一定喺特定日子,所以每天都可能會出現,反而情人節大多數係簡簡單單度過。」

至於與藝人余香凝去年分手的陳家樂,今年雖然冇情人共度佳節,但他稱已有節目:「以前情人節最難忘係年年都去一間餐廳食雞煲,但依家冇拍拖,就約埋啲單身嘅朋友去睇戲、食飯!」