大女突然休克反白眼!郭穎兒嚇到報警

2019年02月14日 16:42
東網電視
更多新聞短片
Celia今年過咗個驚險情人節!

模特兒郭穎兒(Celia K.)婚後為老公李冠鋒誕下兩女Galia同Lia,Celia今日喺社交網透露過咗個好驚險嘅情人節!尋晚佢哋一家人喺會所球場打羽毛球,大女Galia突然跌倒休克,Celia即刻報警送囡囡入急症室,Celia留言:「芯芯好開心係(喺)球場度跑來跑去 姐姐同佢玩嘅時候 向前仆左一下(吓)如常喺度喊 因為小朋友仆親真係好正常 我冇乜擔心 但係都行過去望吓 佢本身好激動喊 嘴角留咗少少血應該係咬到 我一抱上手 突然之間反白眼成個放軟晒 嘴唇白色 呢個情況大概2分幾鐘左右 我老公係咁叫佢 佢都冇乜反應 呢個時候我只好打999 因為第一次大家都有啲緊張 。」好彩Galia後來醒番冇事,Celia仲大讚「任何人」制度添。