陳建州帶孖仔去上海送驚喜　范范哭崩

台灣藝人陳建州（黑人）與范瑋琪（范范）結婚8年，生咗一對可愛孖仔，兩個拍拖至今已18年，黑人依然好肯花心思製造浪漫冧范范。情人節當日范范喺上海有演出，黑人帶同一對孖仔，秘密由台灣飛去上海畀范范一個驚喜。

黑人拍下整個過程，將片放上網，寫上：「雖然在一起18年了，還是必須浪漫一下！下午4:00請小亨堡收拾簡單的行李，因為我突然訂了5:15飛上海的航班，準備帶兩兄弟給麻麻（媽媽）一個驚喜！請原諒我的浪漫。」

片中黑人帶孖仔上飛機，再坐車到會場，無時無刻計住時間，驚錯過范范嘅演出，到晚上八點幾終於成功到達，范范喺台上唱歌，黑人同仔仔喺台下攞住玫瑰花，等范范唱完歌後上台。未見其人，先聽其聲，仔仔拿着咪喺後台叫「媽媽」，台下眾觀開始起哄，尖叫，之後黑人與孖仔現身，范范驚喜又感動，場面好溫馨！