超額完成半馬賽！鄭融唔恨男友終點求婚

歌手鄭融參加「渣打香港馬拉松2019」半馬賽事，最終以2小時17分31秒的成績超額完成賽事，神情輕鬆的她表示對於這個成績感到滿意！她又表示今次好開心可以同朋友一齊跑，互相鞭策，又指自己好耐冇參加過渣馬，但仍保持到理想成績。她說：「對上一次已經係4年前，今次咁輕鬆係因為日前開騷練舞，就一次過練埋氣，練跑都好開心！做到呢個成績好有滿足感！」

問到為何唔搵男友陪跑？她即笑言大家的運動嗜好唔一樣：「佢係輕鬆跑，而我係練，如果佢同我跑，跑少少就要Call白車咁，佢都話唔會同我跑，咁我都冇所謂。（咁佢玩咩運動？）扒獨木舟。」問到為何不叫男友到終點迎接她？鄭融表示男友要返工：「唔使啦！梗係搵番啲志同道合嘅朋友。（好多情侶都興喺終點求婚。）係跑步嘅終點啫，未係人生嘅終點，所以唔使喇，多謝！」