見過幾面！薛芷倫遺失同老佛爺合照感遺憾

名媛薛芷倫（Fanny）對於殿堂級設計師Karl Lagerfeld離世表示是時裝界一大損失，Fanny同老佛爺見過幾面：「佢兩次嚟香港舉行時裝騷，我都有出席，仲同佢影咗相，亦有同佢傾偈，佢個人比較cool，但就好友善，記得佢同我話過好鍾意食中國嘢，但可惜嗰時未有手機拍照，啲相唔知去咗邊，覺得好遺憾。

另外，我亦喺巴黎睇過佢幾次騷，喺後台見到佢，睇到佢好忙碌嘅一面。」Fanny大讚老佛爺對時裝充滿熱誠：「覺得佢好有魄力，做到80幾歲都不言休，而且佢嘅設計風格獨突，既可保持Chanel嘅神髓，又可以注入新元素，係難得一見嘅天才，對時裝有興趣嘅人都會鍾意佢嘅設計。」