黎燕珊爆曾被金馬男主角糟質:佢飲咗酒埋位

2019年02月20日 02:29
東網電視
更多新聞短片
到底講緊邊個?

藝人黎燕珊、「星女郎」鄂靖文、田啟文、姚嘉妮及有「港版羅拉」之稱的朱芊佩今晚出席「GELOS 攜手電影『新喜劇之王』敢於夢想慶祝酒會」,席間《新》女主角鄂靖文分享自己跟戲內飾演的「如夢」追夢相似,又指雖然努力不一定成功,但身邊的人若發現自己努力或會給予表演機會,只要堅持不放棄便可。

黎燕珊受訪時表示原先抱住好奇、支持後輩的心態去欣賞該電影,後來發現戲中有驚喜訊息,當中女主角的追夢過程帶給她共鳴:「同未選美前喺邵氏做嘢嘅追夢時期好類似、好真實。」繼而自爆入行初期做新人曾被「金馬男主角」兼「最佳男主角」戲弄:「佢拍戲嘅時候會『蝦』新人,記得當期時導演嗌咗Cut,佢仲要糟質你,又撕你啲衫、又踩你、又講粗口鬧你,不過依家睇番轉頭都多謝佢,冇佢嘅話我唔會好似戲入面個女主角咁堅強,我當期時心態同佢一樣,質疑自己係咪唔得呢?我都幾靚呀,點解咁呢?再後期先有渠道去選美。(對方係香港演員?)係,仲喺度但已經冇做㗎啦,係有諗點解佢會咁,佢都曾經做過新人,點解要『蝦』個同業師妹呢?可能當時佢飲咗酒埋位,飲醉咗。」惟黎燕珊堅決拒絕透露對方是誰。

她指當年被玩後躲於一角喊,之後就有個副導演上前拍膊頭安慰:「好彩父母畀我一個與生俱來嘅正能量。(之後有撞番對方?)冇啦,佢都冇做。所以啱啱見到靖文都好有衷心恭喜佢,帶番畀我呢個咁美麗嘅回憶,雖然當時唔美麗,但真係多謝嗰位男主角畀我咁大挫折,覺得人係要有衝擊,如果唔係我唔會選美繼續追夢。」

至於講到日前孖女兒劉詠詩一齊為護膚品拍廣告,她表示終於可實現同女兒一齊扮靚夢想,私下亦互相交換扮靚心得。
----------------------------
東網巨星開咗ig喇,大家快啲follow啦!
https://bit.ly/2JjSVcr