蕭敬騰溝通靠神交　網民：轉型做諧星？

台灣歌手蕭敬騰（老蕭）個性風趣幽默，與當初剛出道「省話一哥」嘅形象截然不同，佢喺社交網上載一段搞笑影片，示範平時點樣與同事交流。片中老蕭全程不發一語，淨係用眼神同面部表情向工作人員落Order想食啲咩，表情多多又反白眼，老蕭留言：「有時不是所有場合都能用說話傳達事情……因此造就了我跟同事之間的好默契 一個眼神一個動作……想看更多眼神交流嗎？」好多網民都留言問佢係咪要轉型做諧星啦？