試鏡搞喊小演員　馬浚偉呵番：佢真情流露

藝人馬浚偉早前完成11場自編自導自演的舞台劇《生前約死後》稍作休息，近日已積極投入籌備拍攝同名電影的工作，並完成一連兩天的試鏡，為不同角色挑選演員，早前特別擴大範圍作公開招聘，吸引大批不同年齡和界別人士報名，當中不乏富經驗的專業演員，也有對表演藝術很有興趣的業餘演員，由執行導演、助理導演先行在網上篩選，然後再安排時間試鏡。

參與試鏡的演員都非常投入，令馬浚偉留下深刻印象，他謂：「其中有幾位外型方面同自己相當接近，扮演我嘅好朋友，好開心可以搵到既符合外型又啱戲路嘅年輕演員，其實戲入面仲需要一、兩個年齡介乎三至五歲、八至十歲嘅小演員，面試嘅小朋友純真演出令我有意外驚喜，其中有位九歲男仔同助導試戲，唔使一分鐘就喊得出，完咗都繼續喊，最後我去呵番先唔喊，後來先知呢位小朋友經歷過祖母去世，感同身受而真情流露。」