恨抱孫！余安安叫細女快啲嫁

藝人余安安早前同時有三部電影在手，最近終於完成所有拍攝工作，她透露以往新年都習慣出外度歲，今年會選擇留港好好休息，不過，大女與女婿就會到外地滑雪，所以新年期間只有孻女陪她：「我個人好傳統，新年要一家人團年，所以大女好早就同我申請，問我新年可唔可以唔喺香港，我話OK，所以今年提早咗食團年飯。（有咩傳統習俗？）年初一小朋友要斟茶畀我，同埋向我拜年。」問到孻女何時好事近，她笑言對方已有一個拍拖年多的男友，但仍未聽到有何動靜，她坦言：「如果連細女都嫁埋就最安樂，遲啲就等抱孫。」