好戲過李佳芯?陳炳銓靠《廉政》兩場戲搶鏡

20190222
東網電視
更多新聞短片
偶像喎,係人都好Feel啦~
舞台劇演員陳炳銓在英皇電影《廉政風雲 煙幕》演一名電召司機,期間與飾演廉署調查主任的劉青雲有對手戲,於一場廉署問話室等候戲份,雖只得兩場戲份,但其演繹成為全戲的唯一笑點,而這個喜感角色之亮眼,陳炳銓將演技發揮之高,絕不遜於其無綫「視后」女友李佳芯。
「叫救命」有另一版本
陳炳銓自言戲中角色戆居居:「我原本有一場叫救命嘅戲,依家睇到個版本係見我喺CCTV度叫救命,其實原本唔係咁,只係寫我閂埋門叫救命咋,當時導演都話收貨,但過咗兩﹑三日後Call我,叫我再拍CCTV版本,之後出嚟個效果好多觀眾都爆笑,顯示導演嘅Power,因為我自己都好驚訝,我拍咗一小段,但好多朋友同我講番!」今次有機會演這個司機角色,陳炳銓覺得有得玩,是一種恩賜,他說:「雖然我少戲份,但都有得參與圍讀,好少可!畀我有機會聽晒全個戲嘅劇本,令到我個角色戲功能準啲!」
孖劉青雲對戲笑到飛起
提到跟劉青雲對戲,陳炳銓當然戰戰競競,他說:「青雲係我偶像,雖然有啲寡言,但佢好Funny,其實大家有機會合作,已經好大感覺,加上當年做臨時演員時,曾經同佢合作另一套電影,多年重遇再合作,特別有感觸!」其中一場戲,陳炳銓與偶像一齊爆笑更加記憶猶新,他說:「我做佢司機,車中有場戲我哋對望,Take咗兩次,後來清晰講解,就OK咗,之後大家笑到飛起,青雲同我講佢都有『焗蟹』!(想演續集?)唔知有冇機會呀,可能再寫個角色轉咗行,唔使揸車,可以轉吓工嘅!」