北海道地震　陳奕迅葉佩雯夫婦冇事繼續玩

日本北海道西南部昨日發生黎克特制5.7級強烈地震，其後修正為5.8級，新幹線一度停駛，仲有部分地區發生停電、電話網絡出現信號不良。

近日身處當地滑雪嘅藝人葉佩雯，事發後喺社交網向大家報平安，指自己冇事，其後仲外出繼續欣賞雪景添！佢留言：「感謝朋友們即時傳短訊慰問，雖然剛才吃晚飯時有地震，但震央不在我們這裏，所以搖晃亦不是太大，大家不用擔心！」此外，與葉佩雯同行滑雪嘅仲有陳奕迅夫婦同埋黃宇詩等人，見佢哋冇事繼續食好西同滑雪，令到一班粉絲放下心頭大石！

另外，同樣身處北海道嘅周秀娜都有晒相報平安，佢留言：「拍攝進行時突然覺得自己像身在船上感覺搖晃，但很快便消停了，人沒事報個平安！」