阿女嫁人　鄭佩佩仲早過一對新人到會場

藝人原子鏸（Marsha）今日下嫁摩洛哥男友Mehdi，兩人在港筵開12圍宴親朋，現場以筷子作為回禮禮物。榮升新外母的鄭佩佩以棗紅色旗袍現身，比一對新人還早到會場，問到心情時，她笑不攏嘴地說：「好開心，終於有人幫我照顧佢，我以後唔使負責任。（今日係咪跟足中式傳統儀式﹖）佢哋呢個婚禮有中、有西又有摩洛哥，比較複雜，斟茶儀式就尋日已經斟咗，我冇乜嘢要幫手，都係坐喺度參加婚禮。」

至於送了甚麼給一對新人？她笑言送了個女給女婿，並囑咐兩人﹕「要互相照顧，唔只係個男仔照顧我個女，我個女都要照顧番個男仔。（比幾多分女婿﹖）依家一百分滿分，將來唔知。（佢有邊方面令你最深刻﹖）女婿好細心，好照顧到身邊人，連我呢個外母都好好照顧。（心唔心急抱孫﹖）我冇，佢老竇（心急），我唔會催佢哋，唔抱唔抱，我都抱唔郁。」