薛世恒影幕前朋友絕密照：每人都有秘密

Neway太子薛世恒出席攝影展，表示玩開影相十幾年，笑言影了十幾萬張相，問到可想搞番個攝影展？他說：「想，但冇時間籌備，其實影咗好多一輯一輯嘅相。（啲相有冇着衫㗎？）我影景多，好少影人，一開始係喺朋友生日聚會做攝影師先。」問到可有相片不出得街？他說：「有呀，原因都係唔出得街，每人都有秘密，其實係幫幕前朋友影相，影嗰陣都唔會公開。（啲人咪唔敢得罪你？）佢哋唔知有咩喺我身上。」

講到工作，他表示幕前工作上年已完約：「今年就籌備緊新工作，依家係自由身，發覺唔容易，籌備緊嘅工作都係唔講得，我會從生意人角度做同娛樂圈有關嘅嘢。」問到家人可有畀壓力？他說：「冇，我都大個仔啦。（感情方面呢？）佢哋唔敢畀啦，費事令佢哋咁大希望，如果有我先會正正式式同佢哋講。」問到可關上次同陳法拉的情傷事？他搞爛Gag說：「做呢行情商要好高。」問到現時可是單身？他懶神秘說：「OK啦！（追緊人？）唔講住啦，可以講會同大家講，費事打草驚蛇。」他又謂之前腳傷已好番9成，3月會去滑雪。