噴血！新咪神大檢閱　雅思美貽波波爭上位

提到無綫咪神，大家會諗起邊個？陳庭欣、高海寧、呂慧儀，其實無綫有好多新小花都身材「胸」猛！網民嚴選三大上位「無綫新咪神」樣靚身材正，畀大家養養眼！

陳雅思

早前無端捲入不雅片風波嘅陳雅思（Bonnie），近日因參與劇集《荷里活有個大老千》而廣為觀眾熟悉。劇中有一性感歌舞表演場面，Bonnie以貼身性感舞衣上陣，大玩低胸裝、魚網絲誘惑，唔少觀眾都睇到嘩嘩聲！佢為咗Keep住Fit爆身材，除咗靠做運動之外，仲自爆試過10日內食50個檸檬減肥。佢曾喺節目《歎得好健康》中嘅三點式look引起網民熱烈討論，睇到同場嘅丁子朗都忍唔住起生理反應下身激凸，Bonnie魅力爆棚被網民力撐做新一代咪神！

胡美貽

擁有34.5D勁爆身材嘅胡美貽（Nicole）2017年選港姐落選之後，上年迎來主持機會，處女下海孖住陳婉衡（Alycia）到峇里島拍攝旅遊節目《3日2夜》。Nicole帶咗10套三點式同Alycia鬥身材，擺明有備而戰，佢喺節目中狂晒泳衣大解放，晒出深長事業線，就算企喺Alycia隔籬都絕對唔輸蝕。兩人去到水上樂園挑戰垂直滑梯時，只能着泳衣上陣，Nicole即騷出Big爆身材大派福利，真係睇到觀眾噴晒鼻血呀！

黃凱儀（波波）

20歲嘅無綫KOL黃凱儀（波波）憑節目《#後生仔傾吓偈》人氣急升，尤其佢喺平安夜個集實行賣大包，以透視裝上鏡透出黑Bra，豐滿上圍呼之欲出搶晒Fo，兩位港姐馮盈盈同麥明詩都要企埋一邊。節目一出即引起網民熱烈討論，仲估佢上圍目測有34c爆乳身材。波波唔只身材火辣，把口一樣夠辣！佢喺節目中不時語出驚人，曾自爆與細佬相擁共浴，玉帛相見，又話自己喺屋企唔戴Bra，聽到人O晒嘴。